,,Palace á skilið hrós,“ sagði Jose Mourinho stjóri Manchester United eftir 2-3 sigur á Crystal Palace í kvöld.
United var 0-2 undir en kom til baka og Nemanja Matic tryggði sigurinn í uppbótartíma.
,,Svona leikur verður bara ef tvö lið gera það að verkum, ég gæti sagt þrjú lið því dómararnir vildu hraða í leikinn.“
,,Þetta var magnaður leikur, erfiður leikur fyrir mig því liðið mitt gerði svo mörg mistök.“
,,Við spiluðum góðan fótbolta í seinni hálfleik en gerðum mörg mistök varnarlega.“
,,Ég kann ekki vel við það þegar skipulagið er ekki gott, þetta var magnaður leikur og mikilvægur sigur fyrir okkur.“
