,,Staða mín er eins,“ sagði Arsene Wenger stjóri Arsenal sem gefur lítið fyrir það að hann hætti í sumar.
Mikil pressa er á Wenger en meðalmennska síðustu ára hefur gert marga stuðningsmenn Arsenal reiða.
Fréttamenn spurðu hann um framtíð sína og hvort hún yrði skoðuð í sumar.
,,Þetta er það síðasta sem ég hugsa um núna, ég hugsa um leikinn gegn City á morgun.“
,,Ég skil ekki að ég þurfi að svara þessum spurningum, ég hef verið hér í 21 ár og hafnað öllum liðum í heiminum til að virða mína samninga.“
,,Ég er mjög hissa að ég þurfi enn að svara þessum spurningum.“
