Dani Ceballos, miðjumaður Real Madrid vill ganga til liðs við Liverpool en það eru spænskir fjölmiðlar sem greina frá þessu í dag.
Miðjumaðurinn hefur nánast ekkert fengið að spila með Real Madrid á þessari leiktíð og hefur aðeins byrjað tvo leiki í spænsku úrvalsdeildinni.
Þrátt fyrir það hefur hann skorað tvö mörk í deildinni í ár en verðmiðinn á honum er í kringum 32 milljónir punda.
Marca greinir frá því að Ceballos hafi beðið Florentino Perez, forseta félagsins um að hleypa sér til Liverpool í sumar.
Hann er fastamaður í U21 árs landsliði Spánar en hann kom til Real Madrid frá Real Betis, síðasta sumar.
