Samkvæmt fjölmiðlum í Katalóníu eru umboðsmenn Philippe Coutinho mættir til Barcelona.
Þeir vilja reyna að koma kappanum til Barcelona sem allra fyrst.
Barcelona reyndi að kaupa Coutinho í sumar en Liverpool neitaði þá að selja hann. Miðað við síðustu fréttir er Liverpool nú tilbúið að skoða málið.
Coutinho fór fram á sölu síðasta sumar en Liverpool hlustaði ekki á það.
Umboðsmenn Coutinho eru mættir til Katalóníu til að reyna að semja um allt.
Sport á Spáni segir að Barcelona vonist til að geta kynnt komu Coutinho í næstu viku.
