Andri Rúnar Bjarnason hefur bæst við íslenska landsliðshópinn sem mætir Indónesíu í vináttuleikjum í janúar en þetta var tilkynnt í dag.
Leikirnir fara fram dagana 11. og 14. janúar næstkomandi en hann varð markahæstur í Pepsi-deildinni síðasta sumar.
Hann samdi svo við Helsingborg í Svíþjóð eftir tímabilið en mörg félög höfðu samband við hann og vildu fá hann í sínar raðir.
Andri er sjötti sóknarmaðurinn í hópnum en ásamt honum voru þeir Óttar Magnús Karlsson, Björn Sigurðarson, Kristján Flóki Finnbogason, Tryggvi Haraldsson og Albert Guðmundsson einnig valdir.
