Frábær árangur íslenska landsliðsins í gegnum tíðina hefur ekki farið framhjá nokkrum knattspyrnuáhugamanni. Eldmóður, samstaða og góð spilamennska liðsins hefur vakið athygli og á Ísland núna marga stuðningsmenn um allan heim – sem vilja þessari litlu þjóð í norðurhluta Atlantshafs allt það besta.

Einn þessara stuðningsmanna er Sayeed Mojumder sem er frá Bangladess, einu fátækasta ríki Suður-Asíu. Sayeed er gallharður stuðningsmaður íslenska liðsins og ætlar hann að styðja íslenska liðið í gegnum súrt og sætt á heimsmeistaramótinu sem er framundan. Hann á reyndar ekki von á mörgum slæmum augnablikum á mótinu endar spáir hann því að Ísland vinni alla leikina í riðlinum. Vonandi rætist spáin hjá okkar manni.

Sayeed er virkur á Twitter þar sem hann tjáir sig um allt mögulegt um íslenska liðið. Af færslum hans að dæma er uppáhaldsleikmaðurinn hans enginn annar en fyrirliðinn Aron Einar Gunnarsson. Og til marks um stuðning hans við íslenska liðið lét hann útbúa ógnarstóran þjóðfána Íslands eins og meðfylgjandi myndir bera með sér.

I love iceland football team from Bangladesh.I made to national flag of iceland.we will won to all match and get to world cup so best of luck iceland football team. pic.twitter.com/wKZ1WGIThV

— Sayeed mojumder (@sayedmojumder2) June 10, 2018