Tvær rútur fóru út af veginum á Kjalarnesi um kvöldmatarleytið í kvöld. Að því er fram kemur á vef RÚV hefur samhæfingarmiðstöðin í Skógarhlíð verið vikjuð og lögregla, slökkvilið og sjúkralið sent á vettvang.

Í frétt RÚV kemur fram að viðbragðsaðilar hafi verið á leið í útkall vegna fyrri rútunnar þegar tilkynning um aðra rútu barst. Enginn er slasaður í fyrri rútunni en ekki liggur fyrir, þegar þetta er skrifað, hvort slys hafi orðið á farþegum hinnar rútunnar.

Veður á suðvesturhorni landsins er slæmt og má búast við því að það verði áfram slæmt fram eftir kvöldi. Í tilkynningu frá Vegagerðinni klukkan rétt rúmlega 19 í kvöld kemur fram að búið sé að loka veginum um Kjalarnes vegna veðurs og eins er lokað yfir Hellisheiði og Þrengsli og ekkert ferðaveður. Búist er við því að veður skáni upp úr klukkan 21 í kvöld.