Björgunarfélagið Blanda á Blönduósi var kallað út fyrr í dag vegna ferðalanga sem voru búnir að festa bíl sinn rétt sunnan við Hveravelli við Kjalveg.
Í tilkynningu frá Landsbjörgu kemur fram að vel hafi gengið að komast að þei og draga úr festunni enda eindæma blíða á hálendinu og aðstæður góðar.
Var þeim svo fylgt áleiðis til byggða. Höfðu þau verið að skoða Gullfoss og Geysi og ákváðu að aka eftir Kjalvegi og áttuðu sig ekki á því um hvernig veg var að ræða.
