Laust eftir klukkan fimm í gær voru tveir menn handteknir grunaðir um þjófnað úr verslun í póstnúmeri 104. Starfsfólk verslunarinnar hafði reynt að hefta för mannanna en þeir náðu að yfirgefa vettvang í bíl sem lögregla stöðvaði skömmu síðar. Mennirnir voru vistaðir fyrir rannsókn máls í fangageymslu lögreglu og látnir lausir að lokinni skýrslutöku.
Þetta kemur fram í dagbóklögreglunnar ásamt þessu:
Rétt eftir klukkan sex var tilkynnt um þjófnað úr skóverslun í Miðborginni. Þjófurinn komst undan en skildi síma sinn eftir á vettvangi. Gerandinn er þekktur hjá lögreglu og verður rætt við hann síðar.
Um kvöldmatarleytið í gærkvöld var tilkynnt um umferðarslys í miðbænum í Reykjavík. Árekstur tveggja bíla og er talið að tjónvaldur hafi ekið á móti rauðu ljósi. Einn farþegi var fluttur á slysadeild en er ekki vitað um meiðsli hans en þau talin vera minniháttar. Báðir bílarnir voru fjarlægðir með dráttarbíl af vettvangi.
Einnig segir í dagbókinni töluvert frá meintum ölvunarakstri og akstri undir áhrifum fíkniefna og stöðvaði lögreglan marga ökumenn vegna gruns um slíkt í gærkvöld og nótt.
