Umhverfisstofnun hefur tekið þá ákvörðun að takmarka umferð um Dyrhólaey frá og með deginum í dag til 25. júní næstkomandi. Takmörkunin er í gildi milli klukkan 9 og 19 og þá verður umferð almennings einvörðungu heimil um Lágey og Háey eftir merktum göngustígum og akvegum.
Þessi ákvörðun er tekin í kjölfar skýrslu fuglafræðings á árlegri athugun á stöðu fuglalífi í Dyrhólaey og með tilliti til verndunar fuglalífs á varptíma.
Á næturnar er friðlandið lokað frá klukkan 19:00 til 9:00 og frá 25. júní klukkan 9:00 verður friðlandið opið allan sólarhringinn.
Hér má nálgast skýrslu Umhverfisstofnunar.
