fbpx
Fókus

Samstarf til eflingar glæpasögunnar á Íslandi

Ragna Gestsdóttir
Fimmtudaginn 11. október 2018 19:00

Iceland Noir, alþjóðlega  glæpasagnahátíðin og Storytel raf- og hljóðbókaveitan hafa gert með sér samstarfssamning til næstu þriggja hátíða. Þar með er Storytel orðið verndari og aðalstyrktaraðili Iceland Noir.

Markmið samstarfsins er að efla framgang glæpasögunnar á Íslandi og er það mat samstarfsaðilanna að ávinningurinn sé gagnkvæmur. Storytel mun styrkja hátíðina og leggja þar með öruggan grundvöll undir framkvæmd hennar og Iceland Noir mun leggja sig fram um að kynna notendum Storytel glæpasögur og þá bókmenntamenningu sem þeim fylgja.

Iceland Noir glæpasagnahátíðin er haldin annað hvert ár og sækja hana heim yfir sextíu erlendir höfundar, margir hverjir skærustu stjörnur glæpasagnaheimsins eins og sjá má á vefsíðunni. Hátíðin í ár mun verða haldin í Iðnó dagana 16. og 17. nóvember og stefnir allt í að hún verði sú glæsilegasta til þessa.

Storytel er fyrirtæki sem byggir á frumkvöðlastarfsemi og einbeitir sér að því að verða fyrsta og ákjósanlegasta val hljóðbókaunnenda. Storytel leggur áherslu á að leiða markaðinn þegar kemur að streymi hljóðbóka og leggur metnað í að skila bestu mögulegu lestrarupplifun sem völ er á.

Aðstandendur Iceland Noir eru glæpasagnahöfundarnir Yrsa Sigurðardóttir, Ragnar Jónasson, Quentin Bates, Lilja Sigurðardóttir og Óskar Guðmundsson. Skrifuðu þau undir samstarfssamninginn við Stefán Hjörleifsson og Pál Orra Pétursson í höfuðstöðvum Storytel í vikunni.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Fyrir 16 klukkutímum

Jói Pé og Króli gáfu óvænt út plötu um helgina

Jói Pé og Króli gáfu óvænt út plötu um helgina
Fókus
Fyrir 17 klukkutímum

Fjórar íslenskar stúlkur keppa um að sitja fyrir fáklæddar í Maxim – Efstar í sínum hópi

Fjórar íslenskar stúlkur keppa um að sitja fyrir fáklæddar í Maxim – Efstar í sínum hópi
Fókus
Í gær

10 salerni gerð til þess að fríka þig út

10 salerni gerð til þess að fríka þig út
Fókus
Í gær

Hafsteinn fylgir ekki hjörðinni – Aukin símanotkun fólks kveikti þráðinn

Hafsteinn fylgir ekki hjörðinni – Aukin símanotkun fólks kveikti þráðinn
Fókus
Fyrir 2 dögum

Selma Blair er með MS-sjúkdóminn: „Ég er fötluð“

Selma Blair er með MS-sjúkdóminn: „Ég er fötluð“
Fókus
Fyrir 2 dögum

Manst þú eftir tívolíinu í Hveragerði?

Manst þú eftir tívolíinu í Hveragerði?