Ryan Mason, fyrrum leikmaður Tottenham, vill að börnum verði bannað að skalla bolta á yngri árum.
Mason þurfti sjálfur að leggja skóna á hilluna 26 ára gamall en hann brákaði hauskúpubein og var því í mikilli hættu hefði hann haldið áfram keppni.
Hann vill að börn hætti að nota alvöru bolta til að læra skallatækni og telur að það geti haft mjög skaðleg áhrif.
,,Ef það er sjö eða átta ára gamalt barn sem er að skalla boltann og hauskúpubeinið er ekki fullþroskað, þá gæti það gert mikinn skaða,“ sagði Mason.
,,Ég horfi á suma krakka skalla boltann og þau nota efsta partin af höfðinu og sú tækni er alveg röng, þú ert því að setja mun meiri pressu á heilann.“
,,Ég held að börn ættu ekki að vera að skalla bolta. Því eldri sem þú verður því meiri reynslu færðu og tæknin verður betri.“
,,Kannski væri hægt að nota svampabolta til að læra tæknina og fá reynslu af því að skalla bolta.“