,,Helst var það óhróður gagnvart Geir,“ sagði Þórir Hákonarson, fyrrum framkvæmdarstjóri KSÍ í viðtali í útvarpsþættinum, Fótbolta.net í dag á X977. Þar ræddi hann ársþing KSÍ, sem fram fór um liðna helgi.

Þórir starfar í dag hjá Þrótti en vann hjá KSÍ um mörg ár og þar var Geir Þorsteinsson, hans yfirmaður. Geir hafði látið af störfum sem formaður KSÍ, fyrir tveimur árum en bauð sig aftur fram núna. Hann fékk hins vegar mikinn skell í kosningunni þegar Guðni Bergsson, vann sannfærandi sigur.

Kosningabaráttan var nokkuð hörð og fékk Geir mörg högg úr ólíkum áttu, Sara Björk Gunnarsdóttir, fyrirliði kvennalandsliðsins gagnrýndi störf Geirs og er Þórir ósáttur með það.

,,Það veit aldrei á gott að gera lítið úr störfum annara, ég verð ekkert sérstaklega vinsæll fyrir að segja þetta. Ég varð fyrir sérstaklega miklum vonbrigðum með fyrirliða kvennalandsliðsins, Söru Björk.“

Sara vildi að Guðni myndi halda starfi sínu eins og hann gerði en Þóri fannst það óþarfi að gagnrýna Geir.

,,Mér fannst að hún hefði getað komið stuðningi sínum við Guðna með öðrum leiðum en að gera lítið úr verkum Geirs. Þannig horfi ég á það, ég ber virðingu fyrir henni og þarna komu fram. Það er hægt að lýsa yfir stuðningi með öðrum hætti en þessum.“

,,Ég veit ekkert hvernig Geir hefði eða átti að svara þessu, það fara okkur í þessari hreyfingu betur að sýna virðingu og ekki gera lítið úr áratuga starfi annara.