,,Vonlausa starf Erik Hamren á Íslandi,“ segir Aftonladet í Svíþjóð og hefur þau ummæli eftir okkar gamla vini, Lars Lagerback sem gerði magnaða hluti með íslenska landsliðið og kom því i fremstu röð.

Erik Hamren tók við íslenska landsliðinu síðasta sumar og hefur farið illa af stað, ekki neinn sigur í fyrstu sex leikjunum.

,,Ég áttaði mig á því að þetta yrði erfitt þegar ég tók við, ég er spenntur fyrir íþróttalífinu á Íslandi. Það er hæfileikaríkt fólk, hugarfarið er gott. Árangur Íslands í íþróttum er betri en Svía, miðað við fjölda fólks,“ sagði Hamren.

,,Áskorunin var heilland, mig langaði að komast á meðal þeirra bestu. Ísland gerði vel á EM og í undankeppni HM, úrsliitn í lokamótinu voru svo undir væntingum. Ísland stefnir á þriðja stórmótið í röð, það ná því ekki allar stórþjóðir einu sinni. Ég er spenntur fyrir því.“

Lagerback talaði um hið vonlausu starf en þar á hann við að erfitt sé að toppa árangur Íslands sem hefur náðst á síðustu árum.

,,Lagerback veit mikið og hann þekkti vinnuna með Ísland, ég vissi að þetta yrði erfitt starf. Ef leikmenn haldast heilir er allt, væntingarnar þegar Lagerback tók við voru litlar. Núna er liðið gagnrýnt ef það tapar gegn Belgum.“

Hamren fékk 6-0 skell í fyrsta leik gegn Sviss, leikmenn fengu að heyra að og hann líka.

,,Þetta var ekki skemmtilegt, leikmenn gáfust upp þegar líða tók á leikinn. Leikmenn fengu líka gagnrýni á Íslandi og það hafði ekki gerst lengi.“

Ísland og Svíþjóð mætast í B-landsleik á morgun Í Katar.