Heimir Hallgrímsson, þjálfari Al-Arabi í Katar hefur komið sér vel fyrir í Doha, höfuðborg landsins en þangað flutti hann í desember.

Heimir býr í borginni ásamt eiginkonu sinni og yngri syni þeirra, en oft hefur verið sagt að Heimir elski hita og sól, það fær hann svo sannarlega í Katar.

Edda Sif Pálsdóttir fréttakona á RÚV, hefur tengingar til Vestmannaeyja en þaðan er Heimir Hallgrímsson og gerði það gott sem þjálfari ÍBV, og sem tannlæknir áður en hann varð landsliðsþjálfari Íslands. Heimr lét af störfum sem landsliðsþjálfari Íslands, eftir HM í Rússlandi á síðasta ári.

Eftir að Heimir gerðist landsliðsþjálfari minnkaði hann við sig í að gera við tennur í fólki, hann hefur þó reynt að grípa í borinn þegar tækifæri gefst til.

Heimir er þekktur fyrir að taka sénsa í tísku og Edda Sif hefur gaman af því. . ,,Það held ég að minn maður sé ALsæll í sólinni í white on white on white,“ skrifar Edda á Twitter. Þar má sjá Heimi í viðtali við Magnús Má Einarsson, ritstjóra Fótbolta.net sem staddur er í Katar.

Elli Joð sem svarar færslu Eddu bendir á að þú takir kannski tannlæknirinn til Katar en ekki tannlæknirinn úr Heimi. ,,Einu sinni tannlæknir, ávallt tannlæknir.“

Klæðnað Heimis má sjá hér að neðan.

Það held ég að minn maður sé ALsæll í sólinni í white on white on white ? pic.twitter.com/dsaGphe4Yt

— Edda Sif Pálsdóttir (@EddaSifPalsd) January 9, 2019