KSÍ mun klukkan 16:30 í dag tilkynna um ráðningu á nýjum þjálfurum U21 árs landsliðs Íslands.

Samkvæmt heimildum Fótbolta.net eru Arnar Þór Viðarsson og Eiður Smári Guðjohnsen að taka við liðinu. Fótbolti.net greindi frá því á dögunum að þeir væru í viðræðum við KSÍ.

Eiður Smári Guðjohnsen hefur verið hættur í fótbolta síðustu tvö ár en er nú mættur í þjálfun.

Arnar Þór hefur starfað hjá Lokeren en hann hefur verið búsettur erlendis lengi.

Eiður Smári hefur verið að mennta sig í þjálfun síðustu mánuði og fær nú sitt fyrsta tækfiæri í þjálfun.

Eiður er einn allra besti knattspyrnumaður sem Ísland hefur átt en hann og Arnar taka við af Eyjólfi Sverrissyni sem stýrt hefur liðinu um langt skeið.