Arnór Sigurðsson getur skráð sig í sögubækurnar í íslenskri knattspyrnu í kvöld þegar CSKA Moskva mætir Viktoria Plzen í Meistaradeildinni. Mbl.is segir frá.
Arnór getur orðið yngsti leikmaðurinn í sögu okkur Íslendinga til að spila í þessari stærstu keppni í heimi.
Arnór var keyptur til CSKA á dögunum frá Norköpping í Svíþjóð, félagið borgaði um 4 milljónir evra fyrir hann.
Arnór er aðeins 19 ára gamall en hann á eftir að spila sinn fyrsta leik fyrir þetta sögufræga félag.
Kolbeinn Sigþórsson er sá yngsti sem hefur spilað í Meistaradeildinni, Kolbeinn var 21 árs þegar hann lék með Ajax í Meistaradeildinni. Hann kom þá við sögu gegn Lyon og Real Madrid.
Skagamaðurinn knái hefur því góðan tíma til að bæta það met en það gæti gerst í kvöld.
