Hörður Snævar Jónsson skrifar frá Rússlandi:
Hannes Þór Halldórsson markvörður íslenska landsliðsins og Randers í Danmörku reynir sem minnst að spá í framtíðinni.
Randers hefur greint frá því að önnur félög sýni Hannesi áhuga eftir vörslur hans gegn Argentínu.
Hannes varði þá vítaspyrnu, Lionel Messi og var þess utan frábær í leiknum.
,,Ég er ekkert að velta mér upp úr því, ég er ánægður þar sem ég er í mínum klúbbi,“ sagði Hannes.
,,Ég finn ekki fyrir pressu að þurfa að fara lengra, ég er 100 prósent einbeittur. Ef það gengur allt upp þá geta dyr opnast, það er ekki eitthvað sem ég er að stressa mig á.“
,,Ef það gerist eitthvað, þá gerist eitthvað. Núna snýst þetta um að vera sem minnsta í símanum og pæla sem minnst í umheiminum til að einbeita mér að þessu verkefni.“