Hörður Snævar Jónsson skrifar frá Rússlandi:

Íslenska landsliðið náði frábæru jafntefli gegn Argentína í fyrsta leik liðsins á Heimsmeistaramótinu í Rússlandi í gær.

Í liði Argentínu var Lionel Messi, einn besti leikmaður allra tíma. Íslenska liðið tók hann hins vegar úr sambandi.

Messi fékk ekki plássið sem hann vill vinn í og klúðraði að auki vítaspyrnu.

,,Við vorum búnir að fara yfir það að Messi má aldrei fá yfir 10 metra á milli varnar og miðju,“ sagði Freyr Alexandersson sem er yfir því að greina andstæðinga Íslands.

Hann segir einnig frá því hvernig Heimir var búinn að fara yfir það hvernig á að standa í stöðunni, einn á móti einum gegn honum.

,,Hvernig varnarlínan og miðlínan unnu saman var stórkostlegt. Heimir var búinn að fara afar vel yfir hvernig átti að standa einn og einn á hann, til að gefa okkur tækifæri á að fá hjálparvörn. Mjög vel framkvæmt.“