Manchester City er skrefi nær því að verða enskur meistari eftir sigur á Tottenham á Wembley í kvöld.
City var mikið mun sterkari aðili leiksins og það skilaði sér 22. mínútu leiksins, framherjinn knái, Gabriel Jesus skoraði þá fínt mark.
City komst í 2-0 í fyrri hálfleik þegar Ilkay Gundogan skoraði úr vítaspyrnu. Dómurinn var reyndar ódýr en Raheem Sterling féll innan teigs.
Christian Eriksen lagaði stöðuna fyrir heimamenn undir lok fyrri hálfleiks og voru þeir vongóðir um að jafna leikinn í þeim síðari.
Það tók City ekki í mál og Raheem Sterling tryggði 1-3 sigur á heimamönnum. City er skrefi nær titlinum og verður enskur meistari ef Manchester United misstígur sig gegn West Brom á morgun.