Rio Ferdinand, fyrrum leikmaður Manchester United, óttaðist um líf sitt eftir leik gegn Portúgal á EM árið 2006.

Ferdinand og liðsfélagar hans voru að fljúga heim eftir keppni á mótinu en veðrið á bakaleiðinni var hræðilegt og var flugvélin í vandræðum.

Hann segir að margir leikmenn hafi byrjað að gráta í flugvélinni og óttast það að hún myndi hrapa.

,,Portúgal var nýbúið að slá okkur úr keppni í 8-liða úrslitum og flugið til baka var eins slæmt og þú getur ímyndað þér,“ sagði Ferdinand.

,,Veðrið var hræðilegt og við héldum að flugvélin myndi hrapa. Við vorum allir hágrátandi.“

,,Ég sat nálægt Wayne Rooney, Steven Gerrard og eiginkonum þeirra. Allir voru öskrandi, þetta var órói á öðru stigi.“

,,Þetta var klikkað og fólk og þeirra farangur var út um allt og enginn vissi hvað væri í gangi.“

,,Ég hugsaði með mér: ‘Svona endar þetta,’ sérstaklega þegar ég horfði á flugfreyjurnar.“