Heimir Hallgrímsson, fyrrum landsliðsþjálfari karlalandsliðsins, hefur verið án starfs síðan í sumar.
Heimir lét af störfum hjá íslenska landsliðinu eftir HM í Rússlandi og tók sér gott frí í kjölfarið.
Samkvæmt fjölmiðlum í Katar þá er Heimir nú á leið til landsins og gæti tekið við liði Al Arabi í efstu deild.
Heimir starfaði hjá landsliðinu í sjö ár en hefur áður þjálfað bæði kvenna og karlalið ÍBV.
Al Arabi leikur í Quatar Stars League sem er efsta deildin þar í landi og hafnaði í áttunda sæti á síðustu leiktíð.
Flestir leikmenn liðsins eru heimamenn en þar leynast tveir Brasilíumenn og einn framherji frá Kólumbíu.
