Tímavélin:

Það er fátt annað fjallað um í íslenskum fjölmiðlum í dag en leynilegar upptökur sem náðust af þingmönnum, talandi frjálslega.

Þeta kemur fram á upptökum sem DV hefur undir höndum. Upptökurnar voru teknar upp án vitundar þingmanna þegar þeir ræddu saman á barnum á hótel Kvosin við Kirkjutorg. Margt sem þar kemur fram er einkamál þingmannanna en annað á erindi við almenning.

Viðstaddir voru Sigmundur Davíð Gunnlaugsson, Anna Kolbrún Árnadóttir og Bergþór Ólason, sem öll eru í Miðflokknum, og svo Ólafur Ísleifsson og Karl Gauti Hjaltason úr Flokki fólksins. Á upptökunum má heyra þingmenn úr bæði Flokki fólksins og Miðflokknum ræða mjög tæpitungulaust um stjórnmál og stjórnmálamenn.

Mál af svipuðum toga hafa komið upí knattspyrnuheiminum en frægasta atvikið var árið 2016, þá var Sam Allardyce, þá þjálfari enska landsliðsins gómaður.

Málið var ögn öðruvisi, þar höfðu fréttamenn platað Allardyce og sögðust vera erlendir fjársýslumenn. Allardyce beit á agnið og ætlaði að taka við greiðslum sem þótti siðlaust.

Allardyce fékk sér í glas á meðan samræðurnar fóru fram, hann fékk sér meðal annars hvítvín í bjórglasi.

Hann var rekinn úr starfi en ætli þingmennirnir haldi nú ekki starfinu hér á landi.

Atvikið má sjá hér að neðan.