Arnór Borg Guðjohnsen er ungur leikmaður Swansea og hefur hann undanfarið gert það gott með yngri liðum félagsins.
Arnór er sonur Arnórs Guðjohnsen en bróðir hans er Eiður Smári Guðjohnsen, Eiður og faðir hans eru tveir af bestu knattspyrnumönnum í sögu Íslands.
Arnór er miðjumaður en hann er fæddur árið 2000 og er því aðeins 18 ára gamall.
,,Að hafa pabba minn og bróðir í fótbolta hefur gefið mér innblástur,“ segir Arnór Borg.
,,Þeir voru báðir leikmenn og ég horfi upp til þeirra, pabbi hefur kennt mér mikið á ferli mínum.“
,,Þeir gefa mér mörg góð ráð og hafa gert síðustu ár, við ræðum saman eftir leiki og þeir tala um hluti sem ég get bætt.“
,,Það eru kostir og gallar við það að hafa Guðjohnsen nafnið.“
,,Ég fæ góð ráð og leiðbeiningar frá fjölskyldu minni sem hefur upplifað fótboltann á meðal þeirra bestu.“
Arnór segir að það geti fylgt því pressa að vera Guðjohnsen.
,,Þetta getur búið til meiri pressu, ég reyni að feta í fótspor þeirra, fólk býst við því að ég verði jafn góður og pabbi og bróðir minn voru.“
Hjá Swansea er Gylfi Þór Sigurðsson goðsögn og horfir Arnór upp til hans.
,,Gylfi var líklega það fyrsta sem ég hugsaði um þegar ég heyrði af áhuga Swansea á mér.“
,,Hann er átrúnaðargoð mitt, við spiluðum í svipaðri stöðu og erum með svipaðan stíl, hann er mikilvægur leikmaður í mínum huga.“
,,Ég fékk að hitta hann rétt áður en hann yfirgaf félagið, hann sagði mér að félagið væri góður staður fyrir mig að bæta mig á.“