433Sport

Egill skammar Mörtu Maríu: ,,Undarleg markaðssetning að skrökva íbúðakaupum upp á þekkt fólk“

Ritstjórn DV
Miðvikudaginn 17. október 2018 09:44

Það vakti mikla athygli á vef Morgunblaðsins í gær þegar sagt var að David og Victoria Beckham hefðu skoðað íbúðir hér á landi, með það í huga að kaupa sér fasteign hér á landi.

Sagt var að hjónin væru að skoða það að kaupa íbúð á Hafnartorgi en David Beckham kom til landsins í sumar. Þar fór hann í laxveiði með Björgólfi Thor Björgólfssyni en skoðaði ekki neinar íbúðir.

Hjónin eru á meðal frægustu einstaklinga í heiminum, Beckham var frábær knattspyrnumaður og Victoria var söngkona í Spice Girl.

,,Í gær skrifaði ég lítinn pistil, frekar alvörulausan, vegna fréttar um að hjónin David og Victoria Beckham hefðu skoðað íbúð á Hafnartorgi – væntanlega þá með það fyrir augum að kaupa. Í fréttinni var beinlínis fullyrt að þau hefðu farið og kíkt á penthouse-íbúðina í byggingum. Það var líka sagt að þau hefðu komið hingað vegna vinskapar við Björgólf Thor Björgólfsson,“ skrifar Egill Helgason í pistli sínum sem má lesa hérna.

,,Það er undarleg markaðssetning að skrökva íbúðakaupum upp á þekkt fólk, í þeirri von að eftirspurnin aukist. Beckham-hjónin hafa ekki skoðað neinar íbúðir við Hafnartorg, það veit ég fyrir víst. Svo fólk verður bara að taka ákvörðun um fjárfestingar þarna út frá, tja, kannski ööörlítið skynsamlegri forsendum?,“ segir Ragnhildur Sverrisdóttir, talskona Björgólfs.

Það var Marta María Jónasdóttir sem skrifaði fréttina á mbl.is í gær. ,,Nú ber­ast frétt­ir af því að Beckham-hjón­in hafi áhuga á að kaupa fast­eign á Íslandi og hafi skoðað pent­hou­se-íbúðina á Hafn­ar­torgi fyr­ir sig og fjöl­skyld­una. Ef Beckham-hjón­in slá til er eitt víst og það er að stutt er fyr­ir þau í H&M Home til að kaupa inn og svo er líka stutt yfir til Björgólfs Thors og Krist­ín­ar þar sem þau eiga fast­eign­ina sem stend­ur við Frí­kirkju­veg 11,“ skrifaði Marta í frétt sinni.

Egill Helgason bendir hins vegar á það í pistli sínum að Marta hafi nú eytt fréttinni.

Hér má lesa fréttina sem Marta María hefur nú eytt.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

433Sport
Fyrir 17 klukkutímum

Það sem Gerrard sagði við Rodgers eftir að hann heyrði af komu Balotelli

Það sem Gerrard sagði við Rodgers eftir að hann heyrði af komu Balotelli
433Sport
Fyrir 19 klukkutímum

Sjáðu mörkin: Brynjólfur og Andri Guðjohnsen skoruðu gegn Tyrklandi

Sjáðu mörkin: Brynjólfur og Andri Guðjohnsen skoruðu gegn Tyrklandi
433Sport
Í gær

Lék með Barcelona og Arsenal en var heimilislaus í Rússlandi – Bjó á æfingasvæðinu og átti enga vini

Lék með Barcelona og Arsenal en var heimilislaus í Rússlandi – Bjó á æfingasvæðinu og átti enga vini
433Sport
Í gær

Kante tók betri ákvörðun en Sanchez, Ronaldo, Messi og fleiri – Neitaði að vera partur af svindli og vildi fá ‘venjuleg laun’

Kante tók betri ákvörðun en Sanchez, Ronaldo, Messi og fleiri – Neitaði að vera partur af svindli og vildi fá ‘venjuleg laun’