Hólmar Örn Rúnarsson, landsliðsmaður, segir að leikmenn megi vera bjartsýnir eftir frammistöðuna í 2-2 jafntefli gegn Frökkum á fimmtudag.
Ísland undirbýr sig nú fyrir leik gegn Sviss í Þjóðadeildinni á mánudag en Sviss hafði betur í fyrri leik liðanna 6-0.
,,Ég held við getum verið bjartsýnir. Við sýndum það gegn heimsmeisturunum að við getum staðið í þeim. Ef við spilum á okkar svona ‘core values’ þá getum við gert ansi vel gegn góðum andstæðingum,“ sagði Hólmar.
,,Það er aðeins öðruvísi [að spila í bakverði], það eru töluvert meiri hlaup og öðruvísi einvígi og öðruvísi leikmenn sem þú mætir. Þetta er annar leikur.“
,,Mér fannst ég komast ágætlega frá þessu en auðvitað eru hlutir sem maður vildi gera betur en svona heilt yfir var þetta fínt.“
,,Ég held að það þurfi ekki að mótivera menn extra upp í þennan leik. Við eigum harm að hefna og þurfum að sýna það að síðasti leikur hafi verið frávik.“
,,Það væri ákjósanlegt að fá fullan völl og það gefur mikið af sér þegar þú sérð fullar stúkur á hvorri hlið. Það getur skilið á milli.“
Nánar er rætt við Hólmar hér fyrir neðan.