Franskir fjölmiðlar eru margir farnir að velta því fyrir sér af hverju franska liðið, Nantes reynir ekki að nota Kolbein Sigþórsson. Kolbeinn er í eigu félagsins og á tæp tvö ár eftir af samningi sínum.

Framherjinn hefur verið að koma til baka eftir löng meiðsli en á meðan þeim stóð virist forsteti félagsins, Waldemar Kita hafa farið í fýlu.

Kita er sagður bera ábyrgð á því að Kolbeinn fái ekki tækifæri aftur, Kolbeinn hefur sjálfur talað ítarlega um málið.

Sjáðu hér ítarlegt viðtal við Kolbein um stöðu hans hjá Nantes.

Franskir fjölmiðlar reyna að finna ástæðu þess af hverju Nantes sem er í vondri stöðu í frönsku úrvalsdeildinni getur ekki notað Kolbein. Hann er nefnilega í íslenska landsliðshópnum sem mætir Frakklandi á fimmtudag.

Franskir fjölmiðla reyndu að fá svör frá Andra Sigþórssyni, umboðsmanni og bróðir Kolbeins. ,,Ég segi ekkert, spyrjið Kita af því, af hverju Kolbeinn spilar ekki,“ segir Andri í samtali við L’Équipe.

Kita hefur hingað til ekki viljað gefa neinar alvöru útskýringar aðrar en að Kolbeinn sé í raun slæmur liðsfélagi. Eitthvað sem leikmenn Nantes kannast ekki við.

Kolbeinn er að hefja sitt fjórða tímabil í Nantes en hann var lykilmaður á sínu fyrsta tímabili áður en meiðslin fóru að herja á hann.