Rio Ferdinand, fyrrum leikmaður Manchester United, hefur tjáð sig aðeins um fyrrum stjóra hans hjá félaginu, David Moyes.

Hugarfar leikmanna United breyttist mikið eftir komu Moyes en hann tók við af Sir Alex Ferguson árið 2013.

Moyes entist í tæplega eitt tímabil á Old Trafford en liðið hafnaði í sjöunda sæti deildarinnar undir hans stjórn eftir að hafa unnið deildina árið áður.

,,Ég vona að ég sé ekki að segja of mikið um David Moyes en hugarfar okkar var áður þannig að við höfðum aldrei áhyggjur af mótherjanum,“ sagði Ferdinand.

,,Við byrjuðum aldrei að hugsa um það að við þyrftum að halda aftur af mótherjanum, við fórum í leiki hugsandi það að við myndum vinna vegna hversu góðir við vorum.“

,,Ég man í fyrstu leikjunum gegn Liverpool og Chelsea, þá vorum við meira að hugsa um Eden Hazard og Philippe Coutinho frekar en okkar eigin sóknarplan.“

,,Leikmenn voru mjög efins og horfðu á hvorn annan og hugsuðu ‘Við erum ekki svona, við erum ekki vanir þessu.’