Rafael Benitez, stjóri Newcastle, hefur miklar áhyggjur af sínu liði en nú styttist í að enska úrvalsdeildin fari af stað á ný.

Benitez og félagar töpuðu 4-0 fyrir Braga í æfingaleik í gær og er Spánverjinn alls ekki ánægður með stöðuna á liðinu.

,,Þetta var slæmur leikur, við gerðum ekki þá hluti sem við eigum að gera,“ sagði Benitez.

,,Það eru tíu dagar í að deildin hefjist að nýju og þetta þarf að vekja okkur. Við þurfum að átta okkur á því hvað er að.“

,,Hlutirnir eru ekki í lagi utan vallar og það er hægt að sjá það á spilamennskunni.“

Benitez var svo spurður út í það hvað hann væri að tala um og var svar hans einfalt, „Allt saman.“