Það er ansi líklegt að framherjinn Viðar Örn Kjartansson muni færa sig um set í sumar en hann er orðaður við ófá lið.
Lið í ensku Championship-deildinni eru sögð hafa áhuga á Viðari sem spilar í dag með Maccabi Tel Aviv í Ísrael.
Viðar hefur staðið sig mjög vel í Ísrael en hann hefur alls skorað 32 deildarmörk í 62 leikjum.
Viðar greindi frá því í samtali við Fótbolta.net í dag að líklegt væri að eitthvað færi af stað í næsta mánuði.
„Staðan er þannig núna að það er mjög líklegt að eitthvað gerist í þessum glugga,“ sagði Viðar í samtali við Fótbolta.net.
Viðar hefur komið víða við á ferlinum en hann hefur spilað með Valeranga, Jiangsu Suning, Malmö og Maccabi í atvinnumennsku.
Middlesbrough, QPR og West Bromwich Albion hafa öll verið orðuð við framherjann í sumar.
