Yerry Mina, leikmaður Barcelona, var fullur sjálfstrausts er hann kom til félagsins frá Palmeiras fyrr á árinu.
Mina spilaði fimm leiki fyrir stjörnuprýtt lið Barcelona á síðustu leiktíð en hann hefur verið orðaður við brottför í sumar.
Mina ákvað að taka veðmál við þá Lionel Messi og Luis Suarez um leið og hann mætti til æfinga hjá félaginu.
Messi er af mörgum talinn besti leikmaður heims en Mina endaði á því að borga tvímenningunum 50 evrur á dag.
,,Þegar ég kom þangað, til þess að bæta andrúmsloftið þá tók ég veðmáli við Messi og Suarez til að sjá hver tæki bestu aukaspyrnurnar. Ég vildi bara horfa á þá,“ sagði Mina.
,,Áður en ég vissi af þá voru þeir að taka af mér 50 evrur daglega. Ég hugsaði með mér að ég væri að kaupa inn fyrir þá! Þessi skrímsli setja boltann þar sem þau vilja.“
