Viðar Örn Kjartansson var í stuði fyrir Maccabi Tel Aviv í dag er liðið mætti Radnicki í Evrópudeildinni.

Maccabi sló lið Ferencvaros frá Ungverjalandi út í síðustu umferð og fékk verkefni gegn Radnicki sem kemur frá Serbíu.

Fyrri leikur liðanna fór fram í Ísrael í dag og hafði Maccabi betur með tveimur mörkum gegn engu.

Staðan var markalaus eftir fyrri hálfleikinn en Maccabi skoraði tvö mörk í þeim síðari.

Viðar gerði bæði mörk ísraelska liðsins en fyrra mark hans kom á 51. mínútu og það seinna á 69. mínútu úr vítaspyrnu sem hann fiskaði sjálfur.

Viðar stóð sig eins og áður sagði virkilega vel í leiknum eins og má sjá í myndbandinu hér fyrir neðan.