Jorginho, nýr leikmaður Chelsea á Englandi, var frábær fyrir liðið í gær sem mætti Perth Glory frá Ástralíu.

Jorginho var að spila sinn fyrsta leik fyrir Chelsea eftir að hafa komið frá Napoli í sumar.

Þessi skemmtilegi miðjumaður var allt í öllu í gær en hann lék aðeins einn hálfleik í 1-0 sigri Chelsea.

Jorginho náði að snerta boltann 101 sinni í leiknum og átti þá 98 sendingar sem fóru á samherja.

Hann gaf sendingu á liðsfélaga á 27 sekúndna fresti í einum hálfleik sem er ótrúlegt afrek.

Jorginho er þekktur fyrir það að líða mjög vel með boltann en hann spilar sem djúpur miðjumaður.