Sveinn Aron Guðjohnsen, leikmaður Breiðabliks, er á leið til ítalska félagsins Spezia.
Eysteinn Pétur Lárusson, framkvæmdarstjóri Blika, staðfesti þessar fregnir í samtali við Fótbolta.net í dag.
Sveinn er efnilegur framherji en hann er fæddur árið 1998 og hefur komið reglulega við sögu hjá þeim grænu í sumar.
Sveinn hefur gert fjögur mörk fyrir Blika í Pepsi-deildinni en mun nú semja við Spezia sem leikur í næst efstu deild á Ítalíu.
Eiður Smári Guðjohnsen, faðir Sveins, hélt út til Ítalíu á dögunum til að skoða aðstæður hjá félaginu og er útlitið bjart.
Spezia hafnaði í 10. sæti B-deildarinnar á Ítalíu á síðustu leiktíð.
