Jurgen Klopp, stjóri Liverpool, viðurkennir það að það sé alveg augljóst hver verði markvörður númer eitt hjá félaginu á næstu leiktíð.
Loris Karius stóð í marki Liverpool á síðustu leiktíð en eftir komu Brasilíumannsins Alisson er framtíð hans í óvissu.
,,Við fengum Alisson og það er augljóst að hann verður númer eitt hjá okkur. Annars borgaru ekki svona pening,“ sagði Klopp.
,,Þetta eru ekki frábærar fréttir fyrir Loris Karius. Þegar þú kaupir landsliðsmarkvörð Brasilíu þá geturðu ekki sagt við hann að hann fái sex vikur til að sanna sig.“
,,Það eru þó margir leikir á dagskrá svo allir geta fengið að spila. Hann getur enn bætt sig. Hann er frábær markvörður og getur sýnt það í framtíðinni.“
