Eden Hazard, leikmaður Chelsea á Englandi, hefur verið mikið í umræðunni í sumar en hann er sagður á leið til Real Madrid.

Hazard hefur undanfarin sex ár spilað með Chelsea við góðan orðstír og stóð sig vel með Belgum á HM í sumar.

Benjamin Pavard, bakvörður Frakklands, þurfti að spila gegn Hazard á HM í sumar og segir hann sóknarmanninn vera þann besta sem hann hefur mætt.

,,Hann er besti leikmaður sem ég hef spilað gegn. Hann er með klikkaða hæfileika,“ sagði Pavard.

,,Ég horfði á hann hjá Lille en að mæta honum er ennþá merkilegra. Hann er sá besti á boltanum ásamt Lionel Messi.“