Rosenborg tryggði sér sæti í næstu umferð undankeppni Meistaradeildarinnar í gær er liðið mætti Val.

Rosenborg hafði betur í einvíginu samanlagt 3-2 en leik gærdagsins lauk með 3-1 sigri norska liðsins eftir 1-0 sigur Vals hér heima.

Rosenborg mætir Celtic í næstu umferð en Kåre Ingebrigtsen mun ekki stýra liðinu í þeim leikjum.

Rosenborg hefur ákveðið að reka Ingebrigtsen þrátt fyrir sigur á Val en liðið staðfesti þær fregnir í dag.

Ingebrigtsen hefur verið þjálfari Rosenborg undanfarin fjögur ár en hann var einnig leikmaður liðsins á sínum tíma.

Rosenborg þótti ekki sannfærandi í leikjunum tveimur gegn Val og hefur stjórn félagsins ákveðið að breyta til.