Cristiano Ronaldo mun klæðast treyju Juventus á næstu leiktíð en hann gekk í raðir félagsins á dögunum frá Real Madrid.

Blaise Matuidi er mjög ánægður með komu Ronaldo til Juventus en þeir tveir verða samherjar á næstu leiktíð.

Matuidi og Ronaldo þekkjast ágætlega en þeir mættust í úrslitum EM 2016 er Ronaldo og félagar í Portúgal unnu Frakkland.

Matuidi er hins vegar heimsmeistari eftir sigur Frakklands á HM og mun væntanlega minna Ronaldo á það í vetur.

,,Cristiano Ronaldo er besti leikmaðurinn á þessari plánetu,“ sagði Matuidi við blaðamenn.

,,Vitandi það að hann muni spila með okkur eru frábærar fréttir og sérstaklega fyrir hann þar sem hann fær að deila búningsklefa með heimsmeistara.“