Cristiano Ronaldo er mættur til Juventus en hann hefur krotað undir fjögurra ára samning á Ítalíu.
Ronaldo er mjög hrifinn af leikmannahópi Juventus og þá sérstaklega nýjum liðsfélaga sínum, Medhi Benatia.
Ronaldo og Benatia hafa oft mæst á vellinum og nú síðast á HM er Portúgal og Marokkó áttust við.
,,Við tókumst hart á og hann er frábær varnarmaður. Okkur lenti aðeins saman á HM en það er partur af leiknum,“ sagði Ronaldo.
,,Það verður áhugavert að spila fyrir sama lið og hann og eiga hann sem liðsfélaga. Hann er magnaður leikmaður.“
