Valur er úr leik í Meistaradeild Evrópu eftir 3-2 tap samanlagt gegn norska liðinu Rosenborg.
Valur vann fyrri leikinn 1-0 heima á Íslandi en Rosenborg vann svo seinni leikinn 3-1 í kvöld.
Þar var dómarinn í aðalhlutverki en hann dæmdi þrjár vítaspyrnur. Það má segja að það hafi allt verið rangur dómur.
Hér má sjá það góða og slæma úr leiknum.
Plús:
Valsmenn gáfu Rosenborg lítið eftir í fyrri hálfleik. Komust í ákjósanlegar stöður en virkuðu stressaðir fram á við.
Það alls engin skömm af því að tapa 3-2 fyrir Rosenborg samanlagt. Risastórt lið sem hefur margoft komist í Meistaradeildina.
Valsmenn eiga enn möguleika í Evrópukeppni. Fara í Evrópudeildina eftir tapið, eiga meiri möguleika þar.
Ég ætla að fara svo langt og segja að Valur sé alls ekkert mikið verra lið en Rosenborg. Gáfu þeim klárlega leik, tvisvar.
Mínus:
Vörn Valsara var svolítið ‘shaky’ í síðari hálfleik. Voru mjög agaðir í fyrri hálfleik en misstu haus eftir fyrri hálfleik fannst mér.
Rosenborg átti ekki að fá vítaspyrnu. Hvað á Haukur Páll að gera? Fékk boltann í hönd innan vítateigs en hún var alveg upp við líkamann. Aldrei vítaspyrna.
Þessi dómari fær FALLEINKUNN. Var algjörlega ömurlegur í þessum leik. Þrjár vítaspyrnur sem voru einfaldlega ekki víti.
Önnur vítaspyrna Rosenborg var einnig gríðarlega umdeild. Nicklas Bendtner steig á punktinn og skoraði eftir að hendi hafði verið dæmd á Bjarna Ólaf Eiríksson.
Valur átti heldur ekki að fá vítaspyrnu. Boltinn fór í andlitið á leikmanni Rosenborg en hendi dæmd. Gjörsamlega flautusjúkur þessi dómari.
