Króatía 1-1 Danmörk (Króatía áfram eftir vítakeppni)
0-1 Mathias Jorgensen(1′)
1-1 Mario Mandzukic(4′)

Króatar munu spila við Rússland í 8-liða úrslitum HM eftir sigur liðsins á Danmörku í kvöld.

Leikur kvöldsins byrjaði virkilega vel en Danir tóku forystuna eftir aðeins eina mínútur er Mathias Jorgensen kom boltanum í netið.

Sú forysta entist í þrjár mínútur en Mario Mandzukic jafnaði þá metin fyrir Króata og staðan orðin 1-1.

Eins ótrúlega og það hljómar voru ekki fleiri mörk skoruð í venjulegum leiktíma og þurftu liðin að fara í framlengingu.

Luka Modric fékk dauðafæri til að klára leikinn fyrir Króata á 115. mínútu leiksins í framlengingu en Kasper Schmeichel varði þá frá honum vítaspyrnu.

Það reyndist besta færi framlengingarinnar og þurftu úrslitin að ráðast í vítakeppni líkt og í leik Rússlands og Spánar fyrr í dag.

Þar höfðu Króatar betur þrátt fyrir að Kasper Schmeichel hafi varið tvær spyrnur í vítakeppninni og þrjár spyrnur samtals.

Danijel Subasic í marki Króata átti einnig stórleik en hann varði þrjár vítaspyrnur frá Dönum í vítakeppninni.