Birkir Bjarnason er nagli en hann lék með íslenska landsliðinu í kvöld sem spilaði við Króatíu.
Strákarnir okkar áttu möguleika á að komast í 16-liða úrslit fyrir leikinn en tap gegn Króatíu varð niðurstaðan.
Ivan Perisic tryggði Króötum 2-1 sigur undir lok leiksins eftir að Gylfi Þór Sigurðsson hafði jafnað fyrir okkar menn.
Birkir spilaði 90 mínútur í leik kvöldsins en hann fékk hrikalegt högg í andlitið eftir aðeins 11 mínútur í leiknum.
Birkir gæti verið nefbrotinn eftir þungt högg í andlitið en hann setti einfaldlega bómul í nefið og hélt keppni áfram.
Birkir fær mikið hrós fyrir hvernig hann tók á þessu í kvöld og harkaði meiðslin af sér.
Can we talk about Bjarnason getting his nose broken and just….plugging the flow and getting right back in? #ICECRO pic.twitter.com/k25tYN322m
— Dresden (@DresdenDawg) 26 June 2018
