Albert Guðmundsson kom stutt við sögu hjá íslenska landsliðinu í kvöld sem mætti Króatíu á HM í Rússlandi.

Albert fékk sínar fyrstu mínútur í 2-1 tapi gegn Króötum og var bæði stoltur og svekktur í leikslok en Ísland er úr leik.

,,Þetta var frábær tilfinning fyrir sjálfan mig en súrt fyrir liðið að komast ekki í 16-liða úrslitin,“ sagði Albert.

,,Ég hugsaði bara að hjálpa liðinu að komast áfram hvort sem ég myndi pota honum inn eða einhver annar, að liðið færi áfram.“

,,Því miður gerðist það ekki í dag og kannski að Nígeríuleikurinn hafi orðið okkur á falli í mótinu.“

,,Ég er nýorðinn 21 árs gamall og það er ágætt að hafa þetta á ferilskránni og vonandi er þetta ekki eina og síðasta HM sem ég fer á.“