Egill Einarsson skýtur föstum skotum að Þorkeli Mána Péturssyni, útvarpsmanni á X-inu, á Twitter. Egill spyr Þorkel hvort hann vilji sweet chili-sósu eða bbq-sósu með ullarsokknum.
Tilefnið eru ummæli sem Þorkell lét falla á Twitter á dögunum um Jesse Lingard, leikmann Manchester United og enska landsliðsins. Eins og flestir knattspyrnuáhugamenn vita er Egill gallharður stuðningsmaður Manchester United en sjálfur er Þorkell stuðningsmaður Leeds.
Lingard átti ekki sinn besta leik þegar England vann Túnis í fysta leik sínum á mótinu. Sagði Þorkell á Twitter við það tilefni: „Lingard er svo lélegur leikmaður.“
Jesse Lingard var síðan besti maður vallarins þegar England vann stórsigur á Panama í dag, 6-1. Lingard skoraði glæsilegt mark í leiknum og var hættulegasti sóknarmaður Englendinga. Fékk hann 9 í einkunn hjá Manchester Evening News, hæstu einkunn allra leikmanna enska liðsins.
Egill sá sér leik á borði og skaut á Þorkel á Twitter eftir stórleik Lingard um leið og hann rifjaði upp ummæli hans um leikmanninn. „Viltu sweet chili sósu eða bbq sósu með ullarsokknum?“
Viltu sweet chili sósu eða bbq sósu með ullarsokknum? https://t.co/b699hrxGko
— Egill Einarsson (@EgillGillz) June 24, 2018
