Pétur Örn Gunnarsson, einn fjögurra sjúkraþjálfara íslenska landsliðsins sem nú keppir í Rússlandi, hélt heim til Íslands í dag. Ástæðan er sú að Pétur varð fyrir meiðslum þegar hann lenti í reiðhjólaslysi í vikunni.

Pétur hlaut sár á andliti, fótum og höndum en það eru meiðsli á hönd sem hann varð fyrir sem urðu til þess að hann þarf að gangast undir aðgerð. Í Twitter-færslu sem KSÍ birti í morgun kemur fram að vonir séu bundnar við það að Pétur komi aftur til starfa meðan á þátttöku Íslands í mótinu stendur.

Emil Hallfreðsson birti myndir af Pétri á Instagram-síðu sinni eftir slysið. ,,Hjálmurinn bjargaði. Hann er sennilega ónýtur,“ sagði Pétur sem þakkað fyrir það að hann hafi verið með hjálm.