Eiður Smári Guðjohnsen var sár eins og aðrir Íslendingar eftir 2-0 tap liðsins gegn Nígeríu í dag.
Eiður ræddi um leikinn á Rúv eftir lokaflautið og segir að Nígería hafi einfaldlega verið sterkari aðilinn á mörgum sviðum.
,,Maður sá þetta ekki fyrir, sérstaklega eftir fyrri hálfleikinn. Tempóið var heilt yfir mjög lágt í leiknum,“ sagði Eiður.
,,Nígería sýndi ekki sitt rétta andlit í fyrri hálfleik og það er agalegt að fá á sig mark úr skyndisókn eftir 3-4 mínútur í seinni hálfleik.“
,,Þeir lásu okkur betur í seinni hálfleik og orkan í þeim var meiri. Hvað getur maður sagt? Bara grátlegt.“
,,Mörg lítil atriði gera eitt stórt. Við lendum 1-0 undir og reynum að sækja en lendum svo 2-0 undir.“
,,Við náum að uppskera víti og auðvitað veðjar maður alltaf á að Gylfi skori, mikilvægi þess að skora þetta mark getur verið svakalegt en ég hef það ekki í mér að gagnrýna þessa stráka of mikið.“
