Aron Einar Gunnarsson, landsliðsfyrirliði, var súr í leikslok í dag eftir tap okkar manna gegn Nígeríu, 2-0 á HM.

Aron Einar ræddi um leikinn við Rúv eftir lokaflautið og fór á meðal annars yfir vítaspyrnuklúður Gylfa Þórs Sigurðssonar.

,,Það er munur á hálfleikunum en við byrjum seinni ekki nógu vel. Við fengum færi og fáum vítaspyrnu, þetta eru bara leiðinleg úrslit,“ sagði Aron við Rúv.

,,Þetta er leiðinlegt, sérstaklega í ljósi þess að fyrra markið kemur eftir fast leikatriði hjá okkur. Við þurfum aðvera negldir á menn bakvið okkur.“

,,Svo fannst mér detta smá kæruleysi í okkur en samt sem áður fengum við færi en þeir spiluðu vel í dag. Það er erfitt að taka um leikinn, þetta er ennþá ferskt.“

,,Það er eðlilegt að vera pirraður. Gylfi klikkar ekki oft á víti en hann er fyrsti maður á punktinn næst og bara áfram gakk.“