Króatía mun hvíla nokkra af sínum bestu leikmönnum í lokaleiknum gegn Íslandi í riðlakeppni HM.
Þetta staðfsti Zlatko Dalic, landsliðsþjálfari Króata, eftir sigur liðsins á Argentínu í kvöld.
Króatar eru komnir áfram í 16-liða úrslit keppninnar eftir frábæran 3-0 sigur á Argentínu.
Ísland á tvo leiki til góða og mætir Nígeríu á morgun en svo Króatíu í lokaleiknum þar sem toppsætið gæti verið í boði.
Dalic hefur þó staðfest það að einhverjir leikmenn fái hvíld sem eru góðar fréttir fyrir okkar menn.
Luka Modric, Ivan Rakitic og Mario Mandzukic spiluðu allir í kvöld en gætu fengið hvíld fyrir 16-liða úrslitin.
