Íslenska landsliðið er í góðri stöðu í sínum riðli á HM í Rússlandi eftir úrslit kvöldsins.

Króatía og Argentína mættust í 2. umferð riðlakeppninnar og höfðu Króatar betur örugglega 3-0.

Argentína er nú aðeins með eitt stig eftir tvo leiki en liðið gerði jafntefli við Ísland í fyrsta leik.

Ef Ísland vinnur Nígeríu á morgun erum við í gríðarlega vænlegri stöðu fyrir lokaleikinn gegn Króatíu.

Ísland getur þá náð þriggja stiga forystu á Argentínu með sigri en markatala okkar manna er mun betri þessa stundina.

Argentína er með markatöluna -3 eftir tvo leiki og Nígería með markatöluna 0-2 sæti neðar.

Ísland er því í virkilega góðri stöðu með tvo leiki til góða á Argentínu og sigur á morgun myndi fara langleiðina með að tryggja okkur áfram.