Íslenska karlalandsliðið spilaði sinn fyrsta leik á HM í Rússlandi í gær en liðið mætti stórliði Argentínu. Fyrsti leikur riðlakeppninnar hjá strákunum okkar fór fram gegn sterkasta liði riðilsins.
Argentínumenn komust yfir í fyrri hálfleik eftir 18 mínútur er framherjinn Sergio Aguero skoraði mjög gott mark. Argentína hélt þó forystunni ekki lengi en Alfreð Finnbogason jafnaði aðeins um fimm mínútum eftir mark Aguero.
Argentína var mun meira með boltann í leiknum en áttu í vandræðum með að skapa sér alvöru færi. Í síðari hálfleik fékk Lionel Messi gullið tækifæri til að koma Argentínu yfir eftir að vítaspyrna hafði verið dæmd á Hörð Björgvin Magnússon.
Hannes Þór Halldórsson gerði sér þó lítið fyrir og varði spyrnu Messi virkilega vel og staðan enn 1-1. Argentína pressaði mikið undir lok leiksins en tókst ekki að bæta við og 1-1 jafntefli niðurstaðan.
Þrír leikmenn Íslands, þeir Hannes Þór Halldórsson, Aron Einar Gunnarsson og Alfreð Finnbogason eru í liði gærdagsins á HM.
Iceland’s heroes form the spine of @stighefootball’s team of the day ? pic.twitter.com/EzX3ZbUs33
— B/R Football (@brfootball) June 16, 2018
